Adis-Adis - by: Ainos

Sa pagtungab mo sa baso wala kalang mahibalo nga kana imong giinum makadaot kana kanimo
usa kana kahilo na dili moepekto diretso
si satanas amigo nagkatawa kanimo

gihatagan mulag problema ang imong lawas nga himsog pa gipalapos mo lang sa pikas mong dalunggan
ang mga tambag sa imong ginikanan
ug wala mo lang huna-hunaa
nga pinangga ka sa imong mamag papa
ug ang imong gipalabi shabug marijuana

adis-adis likaye kay sa imong lawas makadaot kini
adis-adis likaye kay sa imong ulo maka boang kini

sa pagkahimugso mo niining kalibutan
ang imong kinabuhi giplanuhan na daan
sa atong amahan nga naa sa kalibutan
ud dili siya katugot nga kita masakitan
dako ang kalipay sa atong ginikanan
nga ilang nakita ang anak nilang buotan
kita nagdako sumala sa ilang mga sugo
peru sa saktong dalan kita miliko
pagkaalaot ug pagkaanugon
nga niabot ang adlaw nga kita nagmasupilon
mga maayong buhat atong gitalikdan
ang ilang mga sugo atong gikalimtam
ug niabot ang adlaw duna tay mga barkada
ang atong mga barkada mga bisyoso ug bisyosa
kita nag tuon sa sigarilyo ug sa inom
kay sa pag-adis adis kita nakat-on

sa pag adis-adis wala ka makuha
ang imong ugma imo lang giguba
imong gihatagan ang yawa ug dalan
aron sa pagguba sa imong kalawasan
walay kaayuhan ang imong gidangatan
puros lang problema gihatag nimo sa ginikanan
wala nimo huna-hunaa ilang mga tambag
basta ang imong gusto maoy mahatag
kuyog sa barkada bisa asa ka daa
kay kung mo drugs na mawala ang problema
mao nay gituhuan- gituhuan sa tanan
mao daghan drug addict karon sa kalibutan
hamtong ulitaw tigulang ug bata
kining mga tawhan gigamit sa yawa
ug ang ilang diyos mao na ang droga
kay ang ilang utok pwerti nang gubaa

ug ang imong lawas karon din a kabarog
nawala na ang kabaskog ug kahimsog
dako ang kaguol sa imong mama ug papa
kay ikaw usa kaboutang anak sauna
ug ang ilang anak din-a makaila kanila
kay ang utok pwerting gubaa sa droga
ang lawas nga gihatag imong giabusahan
balik sa lawas ang daghan nga kasakitan
paminaw amigo sa isulti ko kanimo
ang atong lawas mao ang templo sa ginoo
ayawg abusuhi kung di galmag amomahi
kay ang atong kinabuhi maoy bahandi
mga kabatan-onan pagmata
ug ang iyong ugma maoy tan-awa
biyae tanang bisyo balik sa ginoo
paghinulsol andam siyang mopasaylo

moabot ang mga adlaw nga ikaw magbasol ra
mohubag ang imong atay imong tinae magkagutay-gutay
ug wala kanay barkada nga kanimo moatiman
ug ang imong kwarta hurot sa tableta